Njebjelčicy (SN/MiR). Njebjelčanske towarstwo Kamjenjak ma nowe předsydstwo. Po wjacorych lětach chce w nim tež zaso Serb skutkować. Lukaš Deleńk běše před štyrjomi lětami zamołwitosć jako financnik swojej naslědnicy přepodał. Wotnětka je wón z najwyšej ličbu hłosow 15 přitomnych čłonow towarstwa zastupowacy předsyda, byrnjež so w kandidaturje jako přisydnik předstajił. Jako předsyda skutkuje w přichodnymaj lětomaj Hubert Lange.