Łazowčenjo chcedźa dale w Hórnikečanskim sydlišću bydlić směć

Łaz (AK/SN). Gmejna Łaz chce za Hórnikečanske sydlišćo mjez Koblicami a Hórnikecami dołhodobnje planowansku a prawnisku wěstotu wutworić. Tole podšmórny wjesnjanosta Thomas Leberecht (CDU) na zašłym posedźenju gmejnskeje rady. Z wjetšinu wobzamknychu radźićeljo tři bytostne wobzamknjenja. Woni schwalichu naćisk wobtwarjenskeho plana „Přemysłowy zawod při Hórnike­čanskej hěće“. Nimo toho schwalichu wotwažowanje k naćiskej wobtwarjenskeho plana „Kónctydźenske sydlišćo při Hórnikečanskej hěće“. Runje tak wobzamknychu, druhe wupołoženje tutoho naćiska. Trajne bydlenje w Hórnikečanskim sydlišću ma – we wothłosowanju z twarskim dohladowanskim zarjadom Kamjenc – ­jenož hišće na přechodnu dobu 15 lět ­dale dowolene być.