Slepjanska gmejnska rada je dźěłakmana. Wjesnjanosta Jörg Funda (CDU) je na konstituowacym posedźenju tule póndźelu 14 radźićelow přisahał, mjez kotrymiž je wosom nowačkow. Wolerske zjednoćenstwo SV Lok Slepo staji dale pjeć zapósłancow.

Slepo (AK/SN). Druha najsylniša móc je AfD ze štyrjomi radźićelemi. W minjenej legislaturnej periodźe bě wona z jednym radu zastupjena. CDU ma nětko třoch, do toho pjeć radźićelow. Nowe, w Slepjanskej gmejnskej radźe zastupjene wolerske zjednoćenstwo je zhromadźenstwo zajimow IG Mułkečanske wysoke nasypnišća z dwěmaj radźićelomaj.