Wuhotuja 31. raz jěchanski turněr

štwórtk, 29. awgusta 2024
artikl hódnoćić
(0 )
Nowe jěchanske zadźěwki su dóšli! Kónc tydźenja zeńdźe so wjace hač 170 jěcharjow, ze sydom zwjazkowych krajow w Hórkach na sakskim mišterstwje w mnohostronskim jěchanju. Mjez nimi su tež třo młodźi serbscy jěcharjo.  Foto: Betina Wenderothowa Nowe jěchanske zadźěwki su dóšli! Kónc tydźenja zeńdźe so wjace hač 170 jěcharjow, ze sydom zwjazkowych krajow w Hórkach na sakskim mišterstwje w mnohostronskim jěchanju. Mjez nimi su tež třo młodźi serbscy jěcharjo. Foto: Betina Wenderothowa

We wuhotowanju mišterstwow su čłonojo Konjaceho sportoweho towarstwa „Při Klóšterskej wodźe“ z Pančic-Kukowa kołowokoło předsydki Sandry Berndtoweje mjeztym sami mištrojo, wšako su lětsa hižo 31. raz z hosćićelom sakskeho mišterstwa w mnohostronskim jěchanju na arealu při Hórčanskim stadionje.

Nimo sakskeho mišterstwa młodych jěcharjow U 21 pak přewjedźe so tón raz tež wubědźowanje krajow w nowej kategoriji. Zhromadnje z dalšimi jěchanskimi towarstwami z wuchodneje Němskeje chcedźa tutón kónc tydźenja prěnje Wuchodoněmske mišterstwo za jednotliwcow a prěnje Wuchodoněmske mišterstwo za mustwa wuhotować. W tutymaj wubědźuja so jěcharjo z Berlina, Braniborskeje, Sakskeje, Durinskeje, Saksko-Anhaltskeje a Mecklenburgsko-Předpomorskeje. „Zaměr wubědźowanjow je, zo so jenož lěpje mjez sobu njezeznajomnimy, ale zo našim jěcharskim hosćom z druhich kónčin Němskeje pokazamy, kotre dobre wuměnjenja tu w krasnej krajinje Hornjeje Łužicy za jěchanski sport mamy“, praji organizator Pětr Bobka.

wozjewjene w: Łužica
Prošu přizjewće so, chceće-li komentar podać

Chróšćan Šulerjo

nowostki LND