Wěsty puć do šule za fachowcow pozdatnje rólu njehraje

Chrósćicy (JK/SN). Na spočatku wčerawšeho posedźenja Chróšćanskeje gmejnskeje rady je wjesnjanosta Marko Kliman (CDU) radźićela Tadeja Cyža spřisahał, kotryž so na konstituowacym posedźenju wobdźělić njemóžeše. Po tym zaběrachu so radźićeljo z wudospołnjacymi wustawkami za Chróšćanski Wićežny puć kaž tež ze změnu wobtwarjenskich wustawkow za puć Při pastyrni. Twarskich planow wobydlerjow dla maja so wotpowědne rjadowanja pak změnić pak znowa wusměrić.