Schrift vergrößern
Tójšto wobydlerjow Njeswačanskeje gmejny běše minjenu njedźelu na dźeń wotewrjenych duri na znowa wuhotowany areal kołowokoło wětrnika we Łuze přišło. Wětrnikej na kózłach je so tykowany dom kata z 18. lětstotka přidružił, kotryž su z Lišeje Hory přenjesli. Dalša nowostka na ležownosći je burska pěc, kotruž je Njeswačanska přirodoškitna stacija tam natwariła. W gmejnje maja nětko nimo Njeswačanskeho hrodu a parka dalšu turistisku atrakciju. Foto: Uwe Menschner
Łuh (UM/SN). Před něšto časom su historiski tykowany dom kata z Lišeje Hory do bjezposrědneho susodstwa wětrnika při puću mjez Łuhom a Chasowom přenjesli. Twarske dźěła na nim su nětko zakónčene. Na arealu kołowokoło wětrnika pak je hišće wjace nastało.
