Rakecy (BB/SN). Trjebaja Rakecy woprawdźe hišće dalše wulke nakupowanišćo? Srjedź meje je wjesnjanosta Swen Nowotny (CDU) gmejnsku radu wo tym informował, zo chce inwestor runje tajki centrum natwarić. Tehdy wopisowaše to jako „hobersku šansu za Rakecy“. Někotři radźićeljo pak tak přeswědčeni njeběchu. Nimale jednohłósnje su so tehdy na to dojednali, zo měło towarstwo z Hamburga wikowanski koncept nastajić.