Baćoń (CRM/SN). Na hudźbny nyšpor běchu wěriwi minjenu njedźelu do farskeje cyrkwje w Baćonju přeprošeni. Běše dźě to za cyłu wosadu, kotrejž Baćoń, Haslow, Liboń, Čornecy, Pozdecy, Nowy Łusč a katolscy křesćenjo wokolnych wsow přisłušeja, kermušna njedźela. Na poswjećenje Božeho domu w lěće 1887 dopomni tež wosadny farar Gerat Wornar, kiž přednjese wšelake teksty a modlitwy.