W Koćinje mataj wjesnjanaj njewšědnych sobuwobydlerjow

Koćina (SiR/SN). Hač do hód je jenož hišće něšto tydźenjow. Nimo psow a kóčkow steja na lisćinje přećow často tež eksotiske zwěrjata. Stefanie Wenda a Christian Wersch z Koćiny radźitaj kóždemu, dokładnje rešeršować a wotwažować, prjedy hač so tajkemu hobbyjej wěnuje. Stajnje zaso dźě čitaš rozprawy, zo něchtó eksotiske zwěrjata pod njemóžnymi wuměnjenjemi dźerži. Tak namakachu hižo žiwej leguanaj we wotpadkowym sudobju abo druhe zwěrjata w ćmowej pincy.