Policija měješe silwester zaso ruce połnej dźěła

Budyšin (SN/jh/BŠe/bn). Najwjac ludźi je woměrje a wjesele nowe lěto witało. Cyłkownje 39 dorosćenych a sydom młodostnych bě so wčera z třidnjowskeje kubłanskeje jězby z Prahi wróćiło. Organizowało bě wulět do stolicy Čěskeje Towarstwo­ Cyrila a Metoda pod nawodom Handrikec mandźelskeju Daniele a Danka. Zhromadnje bě wulka serbska skupina w serbskim seminarje silwester swjećiła a na Karlowym mosće do noweho lěta startowała. Mjez druhim wobdźělichu so a wuhotowachu Serbja tež Božu mšu w cyrkwi swj. Ławrjenca na horje Petřin a w cyrkwi swj. Jana Nepomuka. Wulka ličba serbskich młodostnych je po zwučenym wašnju zaso zhromadnje we Wotrowje nowe lěto witała.