Domowinska župa „Jan Arnošt Smoler“ Budyšin zjednoća 12 Domowinskich skupin z cyłkownje 438 čłonami. Dwaj serbskej chóraj staj tu doma a dwaj rěčnej motiwatoraj projekta ZARI tu skutkujetaj.

Budyšin (SN/MiP). Županka Leńka Thomasowa zhladuje pozitiwnje na lońše lěto. „Nanajwjetši dźěl našich Domowinskich skupin prawidłownje a aktiwnje dźěła“, wona praji. W Budyskej župje jara aktiwnej spěwnej cyłkaj staj Chór Budyšin a Radworski chór Meja, wona podšmórnje. Nazymske koncerty w Malešecach, Bukecach, Radworju a Budyšinje su tež loni zaso wjele dźakownych wopytowarjow přićahnyli a zahorili. Z tójšto serbskorěčnymi poskitkami běštaj tež rěčnej motiwatoraj Raphaela Wićazowa a Lucian Kaulfürst w župje jara aktiwnaj.