Biskopičanska syć za dźěći a młodźinu (KiJu) zarjaduje při Němskopazličanskim haće kóžde lěto znowa dyrdomdejski camp. Milenka Rječcyna je so ze zamołwitej Steffi Jung rozmołwjała.
Tele dny je dóšła informacija, zo pytaće za swój poskitk dobrowólnych sobudźěłaćerjow. Što su přičiny za to?
S. Jung: Dotal mějachmy stajnje dobru personalnu wobsadku, kotraž je nas mnohe lěta přewodźała. Někotři pak su so přewažnje ze strowotnych přičin doma wróćo sćahnyli.
Rěka to, zo njehodźi so poskitk bjeze podpěry hižo přewjesć?
S. Jung: To nic. Mamy wězo sobudźěłaćerjow, kotřiž so wosebje wo serwis staraja. Team pak trjeba zesylnjenje. Tuž pytamy dobrowólnych, wosebje za zastaranje dźěći, kotřiž chcyli nas wot apryla do septembra podpěrować.
Na koho so z naprašowanjom wo podpěru měriće?
