Kopańca, regionalna liga muži

Rathenow – Berlinski AK  3:1 (0:0)

BFC Dynamo – Altglienicke2:0 (1:0)

Luckenwalde – Lok Lipsk wupad

Babelsberg – Meuselwitz 0:2 (0:1)

Chemija Lipsk – Choćebuz 1:2 (0:1)

Auerbach – Borussia Berlin 0:4 (0:1)

Jena – Fürstenwalde4:1 (3:0)

Hertha BSC II – Eilenburg  5:1 (2:1)

Lichtenberg – Halberstadt 0:0 (0:0)

Tasm. Berlin – Kamjeničanski FC 0:2 (0:0)

1. BFC Dynamo 18 43 : 16 42

2. Berlinski AK 18 33 : 17 41

3. FC Energija Choćebuz 19 47 : 16 38

4. FC Carl Zeiss Jena 19 37 : 19 37

5. Lok Lipsk 18 39 : 16 36

6. VSG Altglienicke 19 33 : 21 35

7. Kamjeničanski FC 19 32 : 20 31

8. SV Babelsberg 19 27 : 22 31

9. Tennis Borussia Berlin 19 30 : 26 30

10. FSV 63 Luckenwalde 18 28 : 13 29

11. BSG Chemija Lipsk 19 18 : 23 22

12. Hertha BSC II 19 27 : 31 21

13. SV Lichtenberg 47 19 23 : 31 20

14. ZFC Meuselwitz 19 21 : 30 20

15. Germania Halberstadt 19 24 : 36 19

16. SV Tasmania Berlin 19 16 : 42 16

17. Optik Rathenow 19 20 : 34 14

18. Union Fürstenwalde 19 27 : 53 13

19. FC Eilenburg 19 18 : 44 12

20. VfB Auerbach 19 21 : 54 12

Runje na tymle městnje by hrajna rozpra­wa wolejbuloweho derbyja mjez prěnimaj mustwomaj MSV Budyšina a Viktorije Worklecy stać dyrbjała. Ale stupaceje ličby na koronu schorjenych dla knježi wot póndźele, 22. nowembra, měr w sakskich sportownjach.

Na zakładźe postajenjow knježerstwa je so Sakski wolejbulowy zwjazk (SSVB) rozsudźił, sezonu najprjedy raz hač do kónca lěta přetorhnyć. Tak dyrbješe tež horjeka mjenowany wokrjesny derby w Budyšinje wupadnyć. Worklečanscy wolejbulisća běchu so jara na hru wjeselili a chcychu so za poražku w zašłym lěće rewanšować. Loni přěhrachu mjenujcy přećiwo Budyšanam po sadźbach jasnje z 0:3, ale po dypkach jara snadnje. Lětsa chcychu na kóždy pad dypkować. Škoda. A hač klětu w januarje z hrajnej dobu dale­ póńdźe, je wjac hač dwělomne.

Lochka hra za hosći

ST Lichtenberg 47 –

FC Energija Choćebuz 0:4 (0:1)

Zestawa hosći: Stahl – Hasse, Hildebrandt, Eisenhuth, Borgmann, Kujović (68. Geisler), Hofmann, Proničew (75. Böhmert), Mäder (68. Schulz), Engelhardt, Zografakis (75. Harz)

slěd wrotow: 0:1 Engelhardt (13.), 0:2 Proničew (47.), 0:3 Zografakis (49.), 0:4 Proničew (71.)

Při nachwatanskej hrě 17. hrajneho dnja njemějachu koparjo FC Energije docyła žane ćeže, zo bychu sej přichodne tři dypki zaručili. Hižo do prěnich wrotow mějachu woni přećiwnika pod kontrolu a wuhrawachu sej šansu po šansy. Kaž hižo­ sobotu do toho pak njemóžachu je spočatnje wužić. To wšak je trenar Claus-Dieter Wollitz po hrě najebać wjeselo nad dobyćom wězo kritizował. Pozitiwnje hódnoćeše wón přiwšěm zasadźenje swojeho mustwa, kotrež je domjacych při hrajnym natwarje bjez přestawki pod ćišć stajało. Tak njejewješe so w hrajnej statistice ani jedna šansa za nich.

Hasse FCE na 3. městno třělił

BSG Chemija Lipsk –

FC Energija Choćebuz 1:2 (0:1)

Zestawa hosći: Stahl – Hasse, Hildebrandt, Eisenhuth, Borgmann, Kujović, Hofmann, Proničew (82. Geisler), Mäder (62. Schulz), Engelhardt, Zografakis.

Zymskosportowa sezona bu minjenej kóncaj tydźenja w mnohich disci­plinach zahajena. Znajmjeńša něšto, nad čimž móžeš so wjeselić w času, hdyž w amaterskim sporće runje zas wšo na nulu jědźe. Dobre wuslědki za němskich sportowcow, hač při běhanju a skakanju w finskim „mróžaku“ Ruka, hač w Östersundskim biatlonowym stadionje, w Innsbruckskim lodowym kanalu abo na alpinych čarach, lubja wuspěšnu sezonu, kotraž změje w februaru swój wjeršk na olympiskich hrach w Pekingu.