Ahrens starosći so wo městna
Budyšin. Starosćiwje je Budyski wyši měšćanosta Alexander Ahrens (njestronjan) na připowědźenje předewzaća Bombardier reagował, zo w Budyskej tworni koncerna 230 dźěłowych městnow šmórnu. Přichodne dny chcył so wón tuž ze zastupnikami zawoda zetkać, zo by so wo połoženju wobhonił, kaž wyši měšćanosta w nowinskej zdźělence připowědźi.
Nowy nasyp přepodali
Zły Komorow/Łaz. Dospołnje ponowjeny a geotechnisce zawěsćeny nasyp na wuchodnym pobrjohu Slěborneho jězora pola Łaza su wčera zastupnikam Němskeje železnicy přepodali, zo móhli na nim kolije kłasć. Łužiske hórniske saněrowanske předewzaće LMBV bě 2,5 kilometrow dołhi nasyp minjene lěta tak zawěsćiło, zo njemóže hižo k zesuwanjam zemje dóńć.
Sněhowy chaos wobchad lemił
Moskwa. Njewšědny sněhowy chaos je dźensa nadróžny wobchad ruskeje stolicy w dalokej měrje zlemił. Na lětanišću Šerjemjetjewo dyrbjachu wjace hač 90 lětow šmórnyć. Šoferojo awtow bědźachu so z wějeńcami. Naposledk telko sněha 2. měrca měli běchu lěta 1966, pišu wjedrarjo.
Stafli bjez Miriam Gössner
