Na dobro ratarjow

Budyšin. Niske płaćizny za žiwidła a starosće ratarjow niskich dochodow dla jimaja tež wobdźělnikow woprašowanja Serbskich Nowin-online z minjeneho pjatka. 91 procentow z nich by za žiwidła wjace zapłaćiło, jeli to ratarjam pomha. Dźewjeć procentow njeby to činiło. Nowe naprašowanje namakaće dźensa w interneće pod www.serbske-nowiny.de.

RBB ma nowu intendantku

Podstupim. Patricia Schlesinger je nowa intendantka Berlinsko-braniborskeho sćelaka RBB. Rozhłosowa rada wuzwoli 54lětnu telewizijnu žurnalistku sćelaka NDR wčera wječor do zastojnstwa. Schlesinger naslěduje 64lětnu Dagmar Reim, kotraž RBB po 13lětnym skutkowanju z wosobinskich přičin wopušći. Při wothłosowanju bě so Schlesinger přećiwo žurnalistej ZDF Thejej Kollej přesadźiła.

Pod wysokim sakom dale šło