Měrja znowa hibanja zemje
Konjecy/Trupin. Astrocentrum Łužica přewjedźe jutře, wutoru, a srjedu znowa seismiske měrjenja mjez Konjecami a Trupinom. Wo tym informuje projektny běrow. Tohodla je puć mjez wjeskomaj přichodne dny tež zašlahany. Tam dyrbja mjenujcy techniski ekwipment natwarić, zo bychu měrić móhli. Měrjenja maja dalše informacije k aktiwiće w zemi wunjesć.
Swětłownja za katastrofowy škit
Choćebuz. Prěnju swětłownju za katastrofowy škit su minjeny pjatk w Choćebuzu přepodali. Za to bu sportownja Christopha Kolumbusoweje zakładneje šule w Žandowje wuhotowana. Braniborski nutřkowny minister Michael Stübgen (CDU) a wyši měšćanosta Tobias Schick (SPD) staj wotpowědnu plaketu na ćěłozwučowarni připrawiłoj. Město cyłkownje 15 tajkich swětłownjow zarjaduje.
Wulkonadawk do Budyšina
