Łužiski festiwal zakónčeny
Zhorjelc/Choćebuz. Lětuši Łužiski festiwal bu wčera z mjez druhim wot znateho němskeho dźiwadźelnika Larsa Eidingera wuhotowanym swjedźenjom w Choćebuskim klubje Scandale zakónčeny. W minjenych třoch tydźenjach wotmě so po cyłej Łužicy pod hesłom „Anderselbst – To druhe ja“ w dźesać wuměłstwowych spartach cyłkownje 60 zarjadowanjow na wjace hač 20 hrajnišćach.
W Hochozy swjećili
Hochoza. Hochoza bě minjeny kónc tydźenja hosćićel 19. braniborskeho wjesneho a žnjoweho swjedźenja. Nimo regionalnych wikow zarjadowachu w Hochozy tež přećah z něhdźe 50 skupinami. Podźěl serbskeje kultury bě tam jara wulki. Něhdźe 15 000 wopytowarjow su organizatorjo přez cyły kónc tydźenja zličili.
Nowa šefina sekretariata
