Serbšćina tež na hrajnišću

Połčnica. Wokrjes Budyšin, Domowina a Zapadołužiski koparski zwjazk z.t. su zhromadny projekt do žiwjenja zwołali, zo by so zwjazanje sporta a serbskeje kultury skrućiło. K tomu dóstawaja towarstwa Zapadołužiskeho koparskeho zwjazka specielne treningowe drasty z wosebitym poselstwom, kotrež maja serbsku rěč na hrajnišćach widźomnišu sčinić.

Ćahi nachwilnje njepojědu

Budyšin. Na železniskej čarje ze Zhorjelca do Drježdźan wukonja Němska železnica přichodne tydźenje dźěła. Na wjacorych wotrězkach twarja hač do 28. měrca. Narunanski transport z busami je stajnje zaručeny, pisa wozydłownistwo Trilex na swojej internetnej stronje. Do planowaneje jězby pak měli so sobujěducy online informować, kajke změny na nich čakaja.

Toča nětko tež druhdźe