Patrick Schreiber na čole LaSuB

Drježdźany. 45lětny něhdyši zapósłanc CDU w krajnym sejmje Patrick Schreiber je wot wčerawšeho nowy prezident Krajneho zarjada za šulu a kubłanje. To je sakske knježerstwo na namjet kultusoweho ministra Clemensa (CDU) wobzamknyło. Schreiber dźěłaše zašłe lěta­ we wjednistwje priwatneho nošerja šulow a bě čestnohamtski ombudnik přećiwo diskriminaciji na šulach w Sakskej.

Robin Hood pyta towaršow

Žitawa. Gerharta Hauptmannowe dźiwadło Zhorjelc-Žitawa wuhotuje 22. měrca casting za swoju lětušu inscenaciju „Robin Hood“, kotruž chce wot 20. junija na Lěsnym jewišću Jonsdorf předstajić. Narěčeni su młodostni, žony a mužojo w starobje znajmjeńša 14 lět, kotřiž chcedźa jako komparsojo na produkciji sobu skutkować. Přizjewjenski formular a dalše informacije podawaja pod https://www.g-h-t.de/de/statisten-gesucht.

Chcedźa dalše nadawki rozdźělić