Instalacija wabi do cyrkwje

Kamjenc. Składnostnje 800lětneho jubileja města je w Kamjenskej cyrkwi swj. Marje Madleny hač do 4. apryla wodnjo instalacija ze swěcu a zwukom přistupna, kotraž ma na stwórbu skedźbnjeć. Wustajeńca skići móžnosć, Boži dom na nowe wašnje dožiwić. Zakład instalacije su stawizny z biblije. W projekće je chór Budyskeho Serbskeho ludoweho ansambla sobu skutkował.

Poslednje zjawne wodźenje

Wojerecy/Narć. Wojerowski měšćanski muzej je wčera poslednje zjawne wodźenje přez dokumentaciski centrum w bywšim lěhwje za wójnskich jatych a wuhnatych w Narću poskićił. Lěhwo leži na arealu Sakskeje krajneje wohnjowoborneje šule, kotraž nowych wěstotnych postajenjow dla zjawny přistup hižo njedowoli. Přichod centruma je zasadnje wohroženy, dokelž chce jón za imobiliju zamołwite sakske předewzaće klětu zwottorhać.

Jednanja bjez wuslědka