Dwě sadźe stej přemało

Berlin. Mjeńšinowa rada koaliciske zrěčenje CDU/CSU a SPD wótrje kritizuje. „Dwě sadźe njejstej program“, rada wčera zdźěli. Hišće do wólbow zwjazkoweho sejma je rada wobšěrny dokument z konkretnymi naprawami w zwisku z mjeńšinowej politiku předpołožiła. Tež w běhu koaliciskich jednanjow su mjeńšiny na swoje centralne naležnosće skedźbnili. Naposledk su strony mjeńšinam jenož dwě sadźe wěnowali.

Serbski podcast wědy za dźěći

Radwor. „Saperliška“ rěka nowy podcast wědy, kotryž poskićuje Radworski serbski experiMINT campus wšitkim zajimowanym dźěćom wot njedźele online na platformje Spotify kaž tež na Youtube-kanalu Radworskeje staršiskeje iniciatiwy. Tema prěnjeho, něhdźe 15 mjeńšin dołheho wudaća je złoto. Dalše slěduja we wotstawku dweju njedźel.

Nalada chětro špatna