Sport (28.03.25)
Šlagrowa hra jutře w Choćebuzu
W třećej koparskej lize Němskeje přewjedźe so jutře wot 14 hodź. wulki derby mjez FC Energiju Choćebuz a FC Rudnymi horinami Aue. Hosćo steja w tabulce na 10. mětsnje a hosćićeljo na poziciji 2. Dźensa wječor změje stara koparska garda Sokoła Ralbicy/Hórki swoju zazběhowu dypkowu hru w Delanach přećiwo koparjam z Horow. Samsny dźeń hraje prěnje koparske mustwo Marijineje hwězdy we wokrjesnej lize w Kumwałdźe. Serbski derby wuhraje so njedźelu w Njebjelčicach.
28.03. 18:30 Sokoł Ralbicy/Hórki – LSV Hory (stari knježa)
28.03. 19:00 Motor Kumwałd –
ST Marijina hwězda
29.03. 14:00 FC Energija Choćebuz –
FC Rudne horiny Aue
29.03. 15:00 ST Horni kraj-Sprjewja –
SJ Chrósćicy
29.03. 15:00 Módro-běli Kulow –
Drohotka Ramnow
29.03. 15:00 TSV Wachau –
Sokoł Ralbicy/Hórki
30.03. 14:00 SZ Steinigtwolmsdorf –
SJ Chrósćicy II
30.03. 15:00 ST Nadróz. Hrabowka –
ST Radwor
30.03. 15:00 SJ Njebjelčicy –
HZ Ralbicy II/Pančicy II
Worklečanki hraja w Lubiju
Mišterki wobwodneje klasy Wuchodosakska, druhe wolejbulowe mustwo holcow Viktorije Worklecy, hraje jutře w Lubiju přećiwo předposlednjemu tabulki.
29.03. 14:0 Šumbachski VV –
Viktoria Worklecy II (ž)
05.04. 14:00 TSV Kumwałd –
Dopomnjenki na prěnje wolejbulowe turněry wo pokal Domowiny
29. měrca přewjedźe so w Radworskej „Slaviji“ jubilejne 40. zetkanje serbskich wolejbulistow wo pokal narodneje organizacije. To je rjana składnosć, dopominać so na spočatki tutoho woblubowaneho zarjadowanja.
Premjera w Pančicach
Zaso žane dypki w krajnej stolicy
Póst Drježdźany –
Viktoria Worklecy 3:0
(25:21, 25:23, 25:20)
Dwaj tydźenjej po poražce pola načolnika Motor Mickten wjedźeše hrajny plan wolejbuloweje sakskeje klasy Worklečanskich muži znowa do krajneje stolicy, tónraz k Póstej Drježdźany.
Njeznaty optimist bě pjatk do hry w sportowych pokiwach w SN móžnosć naspomnił, zo móhli so Worklecy z dobyćom 3:0 abo 3:1 na 4. městno tabulki sunyć. Tuta nadźija pak so hižo po prěnjej hrě dnja rozbi, kotruž běchu póštownicy 3:1 přećiwo Košicam dobyli. Přiwšěm lubješe hra štwórteho přećiwo pjatemu tabulki napjatosć a wolejbulowe chłóšćenki. Hnydom na započatku móže so rjec: napjatosć – haj, chłóšćenki – ně. Bohužel widźeše horstka přihladowarjow chětro nerwoznu hru z mnohimi zmylkami na woběmaj bokomaj. Mjeztym pak wobkedźbowachu přeco zaso spektakularne wuchowanske akcije a wysokoklasowe nadběhi, a to na woběmaj bokomaj.
Wuslědki (26.03.25)
Kopańca; regionalna liga muži
1. Lok Lipsk 26 47 : 18 59
2. Halleski FC 25 39 : 16 51
3. FC Čerwjeno-běli Erfurt 24 39 : 26 43
4. FSV Zwickau 24 33 : 32 43
5. FC Carl Zeiss Jena 24 51 : 32 40
6. Greifswaldski KK 25 37 : 26 39
7. BFC Dynamo 25 36 : 27 37
8. Hertha BSC II 24 42 : 41 37
9. Kamjeničanski FC 25 24 : 17 35
10. ZFC Meuselwitz 25 29 : 42 32
11. VSG Altglienicke 24 27 : 23 31
12. SV Babelsberg 03 25 34 : 39 30
13. BSG Chemija Lipsk 24 23 : 44 26
14. Hertha 03 Zehlendorf 25 35 : 41 25
15. FC Viktoria Berlin 25 25 : 40 25
16. FC Eilenburg 25 28 : 45 21
17. FSV 63 Luckenwalde 25 20 : 37 19
18. VFC Plauen 24 23 : 46 16
Worklečanki domjace mustwo z rytmusa přinjesli
Ochranowske wolejfantki –
Viktoria Worklecy 1:3
(25:8, 24:26, 22:25, 21:25)
Za Viktoriju Worklecy běchu zasadźene: Maika Dźisławkec, Diana Hajnec, Xenia Koberec, Marina Köhler, Klara Kralec, Constance Pötschke, Anja Šmidtowa, Jana Žurowa
Kónc tydźenja bě sej prěnje žónske wolejbulowe zastupnistwo Viktorije Worklecy na wonkownu hru do Ochranowa dojěło. Kontrahent steješe w tabulce před Worklečankami.
Prěnja sadźba započa so na dobro hosćićelkow. Přez suwerene a spěšne dypki sej za sobu jasny předskok zaručichu. Z krótkej hrajnej přestawku spytachu Worklečanki při stawje 1:8 hosćićelki z rytmusa přinjesć. Tola to so jim njeporadźi, Ochranowske wolejfantki wobstajnje dale dypki zběrachu. Hosćo drje sej jednotliwe dypki wuwojowachu, tola při dypkowym stawje 4:20 mějachu znowa wo přetorhnjenje prosyć. Domjace zastupnistwo sadźbu jasnje dominowaše a zakónči ju po jenož 13 hrajnych mjeńšinach 25:8.
Chróšćenjo połfinale docpěli
ST Porchow –
SJ Chrósćicy 1:2 (0:0)
Zestawa hosći: Škoda – J. Donat (89. Sćapan), Młynk, Mark, Graf (88. M. Donat), L. Zahrodnik, Handrik, M. Zahrodnik, Bjeńš, Bogusz, Kř. Zahrodnik (90. Mi. Zahrodnik)
W štwórćfinalu wokrjesneho pokala nastupichu Chróšćenjo njedźelu w Porchowje. Tamniša sportowa jednotka hraje klasu niže. Z tym běštej róli jasnje rozdźělenej. Za trenarsku dwójku Chróšćanow Philippa Marka a Feliksa Zahrodnika so personalna situacija wosebje zranjenjow dla přeco hišće polěpšiła njeje. Tuž někotři koparjo z druheho mustwa wupomhachu.
Na twjerdym hrajnišću měještaj wobaj cyłkaj spočatnje ćeže. Tu spytachu wosebje z dołhimi bulemi agěrować. Z tym pak wobě stronje wulce wuspěšnej njeběštej. Tola poněčim mějachu Chróšćenjo prěnje móžnosće. Po kombinaciji přez prawe křidło posłuži Lucian Zahrodnik bratra Maksimiliana w šěsnatce. Jeho třělwu pak škitar před wrotami wotwobara. Krótko na to so Franc Bjeńš přez křidło předrě. Jeho flanka trjechi na Křesćana Zahrodnika, wrotar pak z jeho třělwu přewulke problemy njeměješe.
Z dobreje hry w Ramnowje jenož dypk wuzbytkowali
Drohotka Ramnow –
Sokoł Ralbicy/Hórki 1:1 (0:0)
Zestawa hosći: Schöne – Matka, Wałda, B. Heidorn, Mikławšk, Woko (66. L. Heidorn), Gloxyn, Mjechela, Hicka, Šnajder (72. Šiman), Domaška
Sokoljo nastupichu minjenju njedźelu k nachwatanskej hrě w Ramnowje. W decembrje su hru wotprajić dyrbjeli, dokelž běše trawnik kruće zmjerznjeny a strach zranjenjow přewysoki. Trenar Christoph Gloxyn pósła chětro młode mustwo na nětko dosć dobry trawnik, dokelž jemu tójšto hrajerjow pobrachowaše. Stani Šewc kaž tež Fabian Korjenk měještaj chłostanje pjateje žołteje karty dla wotsedźeć. Nimo toho pobrachowaštaj z Pawlom Rachelu a Bosćijom Bejmu dwaj sylnaj ofensiwnaj hrajerjej.
Wuslědki (25.03.25)
Kopańca;
wokrjesna wyša liga
TSV Połčnica –
ST Hnašecy-Dobruša1:0 (0:0)
Drohotka Ramnow –
Sokoł Ralbicy/Hórki1:1 (0:0)
1. Natwar Němske Pazlicy 18 49 : 18 49
2. ST Hnašecy-Dobruša 19 45 : 24 39
3. SC 1911 Großröhrsdorf 19 38 : 28 38
4. SG Großnaundorf 18 39 : 23 31
5. Póst Germania Budyšin 19 41 : 33 30
6. Rakečanske ST 16 47 : 21 29
7. Sokoł Ralbicy/Hórki 19 30 : 20 23
8. SJ Chrósćicy 18 29 : 31 23
9. Zeleno-běli Bukecy 19 40 : 44 22
10. ST Horni kraj-Sprjewja 18 31 : 43 21
11. TSV Wachau 18 26 : 32 19
12. Módro-běli Kulow 18 21 : 33 19
13. Drohotka Ramnow 17 24 : 37 17
14. FV Ottendorf-Okrilla 19 23 : 42 16
15. TSV Połčnica 18 22 : 38 14
16. HZ Łaz/Běły Chołmc 17 9 : 47 5
Wulkan Wollitz so zlochka wochłódnił
Trenar Wollitz je 400 hrow mustwa FC Energije přewodźał
Z mjenom Claus-Dieter, mjenowany „Pele“ Wollitz, zwjazujetaj němski a tež serbski fan kopańcy dołhu karjeru połnokrejneho nadběhowarja w Osnabrücku, pola Schalke 04 w Gelsenkirchenje abo pola Herthy BSC w Berlinje. Po swojim aktiwnym času je sej jako ekstrowertěrowany trenar wjele připóznaća zdobył. W juliju 2009 započa pola FC Energije Choćebuz. Nihdy njebě tam tón „mudrowacy Wessi“, nawopak: Wollitz je Choćebuskej a łužiskej wokolinje přewšo přichileny. Aktualnje so wón ze swojim do třećeje ligi postupjenym mustwom nimale hižo w sedmych njebjesach znošuje, wšako FC Energija nastupajo postup do druheje zwjazkoweje koparskeje ligi Němskeje runje rozsudnje sobu rěči.
