Budyšin (SN/BŠe). Za 48hodźinsku akciju je so lětsa 96 skupin młodostnych z Budyskeho wokrjesa přizjewiło a sej najwšelakoriše projekty wumysliło. Při tym njewěnuja so jenož rjedźenskim abo twarskim akcijam. Iniciatiwa z Budyšina chce na přikład workshop z ćěkancami přewjesć, kotřiž su njepřewodźeni do Němskeje přišli. Šulerjo wyšeje šule z Łutow chcyli tak mjenowanej DAZ-rjadowni rjadownisku stwu wuhotować. Młodostni z Lutobča pak chcedźa dźěćacy swjedźeń na tamnišim hrajkanišću přewjesć.