Składnosć so wukmanić poručenje

štwórtk, 31. meje 2018
artikl hódnoćić
(0 )

Ćěkancow integrować njeje lochko, předewšěm potom, hdyž njeje jich status jasny, po kotrymž su a budu w Němskej žiwi. Nadawk to, hłownje za towarstwa, jim tudyše žiwjenje spřistupnić.

Miłoćicy (SN/MiR). Skupina ćěkancow z Kamjenskeho domu za požadarjow azyla a jedneje w Lessingowym měsće by­dlaceje swójby je dźakowna za poskitk, so w přirodźe zaběrać. Njebjelčanske wuměł­stwowe a kubłanske towarstwo Kamjenjak zapřijima mužow a žony wot spočatka meje tydźensce jónu we wo­błuku projekta do permakultury. Hesło projekta je „Kćějata integracija při Kra­batowym kamjenju“. „Z poskitkom móžemy na dalše wašnje zwoprawdźić swój zaměr, wuměłstwo, přirodu a kubłanje ze sobu zwjazać“, rozłožuje čłon před­sydstwa Kamjenjaka Hubert Lange. „Zdobom wotpowědujemy swojej socialnej zamołwitosći za druhich.“ Hubert Lange stara so wo to, zo maja wobdźělnicy dźěło, a je zhromadnje z nimi wukonja.

wozjewjene w: Socialne
Prošu přizjewće so, chceće-li komentar podać

Serbska debata

nowostki LND