Pjekarnja změje bórze kofejownju

srjeda, 19. decembera 2018
artikl hódnoćić
(0 )
Na Budyskej dróze w Kamjencu ludźo prawidłownje pječwo, kaž tuchwilu přede wšěm wosušk, z Pančičanskeje klóšterskeje pjekarnje kupuja. Rady poskića jim předawarka Petra Haase tež wšelake klóšterske likery. Foto: Feliks Haza Na Budyskej dróze w Kamjencu ludźo prawidłownje pječwo, kaž tuchwilu přede wšěm wosušk, z Pančičanskeje klóšterskeje pjekarnje kupuja. Rady poskića jim předawarka Petra Haase tež wšelake klóšterske likery. Foto: Feliks Haza

Klóšterska pjekarnja w Pančicach-Kukowje přisłuša dźěłarni za zbrašenych swj. Michała. Rady tam wobydlerjo ze wsy kaž tež z wokoliny wšědnje čerstwe­ pječwo kupuja.

Pančicy-Kukow (SN/mwe). Wot lěta 2016 je na Budyskej dróze w Kamjencu mały pjekarski wobchod klóštra Marijineje hwězdy zaměstnjeny. Wot wutory do pjatka wot 6 do 13.30 hodź. a sobotu wot 7.30 do 9 hodź. předawaja tam čerstwe pječwo z Pančičanskeje klóšterskeje pjekarnje. Ta je wotnožka dźěłarnje za zbrašenych swj. Michała, kotruž Karin Cyžowa nawjeduje.

Mjeztym wobsteji Kamjenski wobchod dwě lěće. Při wotewrjenju předawanišća chcychu tam zamołwići z klóštra jenož „probowy přechod“ zarjadować. Dokelž pak su Kamjenčenjo pječwowe předa­wanišćo tak derje přiwzali, a dokelž jim a druhim chlěb a całty, tykanc, wosušk a poprjančki z klóšterskeje pjekarnje tak derje słodźa, nochcychu wobchod na žadyn pad zawrěć. „Je wažne, zo so jako klóšter a dźěłarnja za zbrašenych zjawnosći prezentujemy. Chcemy pokazać, kotre dźěła móža tež zbrašeni na dobro druhich dosć wušiknje wukonjeć, štož jim wjeselo wobradźa“, Karin Cyžowa podšmórnje.

wozjewjene w: Socialne
Prošu přizjewće so, chceće-li komentar podać

nawěšk

  • 21. jolka-swjedźeń w Nuknicy je nimo. Štož zwostanje su dopomnjenki na rjany žortny a zabawny wječor w Nukničanskej Brězanec bróžni. Někotre impresije serbskeho wječora w Nuknicy, kotrež je naša fotografowka-wolontarka Hanka Šěnec zhotowiła, wam tule
  • Serbske Nowiny-LND-Tuchmacherstr. 27 02625 Bautzen: Jolka 12.01.2019
  • Serbske Nowiny-LND-Tuchmacherstr. 27 02625 Bautzen: Jolka 12.01.2019

nowostki LND