Wojerecy (AK/SN). Wojerowski serwisowy center Łužiskich dźěłarnjow za zbrašenych je nětko centralnje w nutřkownym měsće na Łužiskim naměsće. Po pjeć měsacach twarskeho časa su wobchod minjeny pjatk wotewrěli. Wuporjedźeja tam kolesa wšitkich družin, po­skićeja akuwowy serwis a předawaja tež nowe koła. Runje tak maja kreatiwne wudźěł­ki, na přikład z drjewa na předań, kotrež su zbrašeni w dźěłarnjach zhotowili. „Wot měrca digitalne archiwěrowanje datow k tomu přińdźe, a započinamy najprjedy swójske dokumenty składować.“ To wuswětli jednaćel Łužiskich dźěłarnjow Eckhard Friese na wotewrjenskim zarjadowanju, na kotrymž bě mjez mnohimi hosćimi tež Budyski krajny rada Michael Harig (CDU).