Budyšin/Kamjenc/Wojerecy (SN/MiR/bn). Němske interdisciplinarne zjednoćenstwo za intensiwnu a nuzowu medicinu (DIVI) zwěsća w swojim aktualnym registrje, zo je w zwisku z koronapandemiju tuchwilu w Budyskim wokrjesu něhdźe 70 procentow łožow za intensiwne wothladowanje pacientow wobsadźenych. Podobne je połoženje w Zhorjelskim wokrjesu a w delnjołužiskich wokrjesach Braniborskeje. Přiwšěm nimaja lěkarjo situaciju za překritisku.