Na Chróšćanskim farskim dworje pisany beneficny koncert dožiwili
Chrósćicy (mdź/SN). Něhdźe 300 ludźi je wčera na farskim dworje w Chrósćicach beneficny koncert za wopory tornada w Čěskej dožiwiło. Wčerawše dopołdnjo su w rjedźe akcije „Łužica pomha“ Towarstwa Cyrila a Metoda (TCM) přewjedli a zdobom pomocnu akciju za škodowanych tornada na Morawje zakónčili, zdźěli wčera w Chrósćicach předsyda TCM Jurij Špitank. „Tutón koncert je wulki wuspěch“, bilancowaše Špitank wčerawšu akciju na farskim dworje.
