Nowoslicy. Kamjenska župa „Michał Hórnik“ přeprošuje wšitkich zajimcow na přednošk a diskusiju wo temje „Prawicarske prudy we Łužicy – Što woznamjenja to za našu młodźinu, dźěći a wnučki?“. Zarjadowanje wotměje so wutoru, 4. februara, w 19 hodź w kulturnym domje w Nowoslicach. Fachowy referent je Christian Schäfer ze Zhorjelskeje wotnožki towarstwa Kulturny běrow Sakska.

Čitanje wo łužiskim rybarstwje

Budyšin. Štwórte čitanje w rjedźe Bu­dyska akademija wotměje so póndźelu, 3. februara, we 18 hodź. w słucharni Sakskeje dualneje wysokeje šule w Budyšinje. W swojim přednošku předstaji rodźeny Wósporčan dr. Gert Füllner nimo wše­lakich wužitnych rybow tež tradicije a techniki hatarstwa w Hornjej Łužicy a w nadregionalnym konteksće. Wón znazorni, kotry wuznam plahowanje ­karpow ma a před kotrymi wužadanjemi wone w dźensnišim času steji.

Na debjenje jutrownych jejkow