Bukecy. Na iniciatiwu Bukečanskeje ­Bjesady móža sej čitarjo nětko tež knihi ze serbskej tematiku w Bukečanskej bibliotece wupožčić. Bjesada chce knihi tež zjawnosći předstajić a přeprošuje to­hodla štwórtk, 13. měrca, we 18 hodź. na prezentaciju nowych knihow do rum­nosće Kulturu spěchowaceho towarstwa na Karla Marxowej dróze 14 w Bukecach. Při tym čita Měrana Cušcyna ze swojeje zběrki basnjow „innen bröckelt die ­unerhörte schicht“, kiž tematizuje mjez druhim Čornobóh a krajinu kołowokoło njeho.

Poskićuja dźěćacu drastu

Budyšin. Drastu za dźěći a ćěšenki móža starši, dźědojo a wowki na bursy dźě­ćaceje drasty jutře, sobotu, wot 14 do 16 hodź. w Budyskej Montessorijowej šuli za přijomnu płaćiznu kupić. Na něhdźe 40 stejnišćach poskićuja nimo drasty za dźěći tež tajku za samodruhe žony ­kaž tež hrajki a wjele dalšeho. Za ćělne derjeměće poskićuja organizatorojo kofej a tykanc.

Pokazaja zajimawy film