Großhennersdorf (SN/CoR). Na jara dobru bilancu zhladuja organizatorojo 13. nysoweho filmoweho festiwala, kotryž je so njedźelu po šěsć dnjach skónčił. Z nimale 6 000 wopytowarjemi wobdźěli so telko ludźi kaž hišće ženje do toho na festiwalu. Woni dožiwichu wjace hač 120 hrajnych, krótkich a dokumentarnych filmow na 15 zarjadowanišćach kaž tež koncerty, čitanja, wustajeńcy a swjedźenje w Němskej, Pólskej a Čěskej. Temowe ćežišćo běchu tónraz mjeńšiny a Serbja, kotrymž drje so z mało paskami, za to pak na hinaše wašnje wěnowachu. Nimo dźěłarnički syće łužiskich filmowcow běštaj mjez druhim Kito Lorenc a skupina Berlinska dróha z hosćom. Wjace režiserow a filmowcow hač hdy do toho bě so na puć do Łužicy nastajiło, zo bychu swoje twórby tudyšemu publikumej předstajili. Mjez nimi běštaj tež wobdźělnica Berlinale Anne Zohra Berrached z filmom „24 Wochen“ a pólski dokumentarny filmowc Krzysztof Kopczyński, kiž bě za wopyt nad Nysu přeprošenje do Nizzy a Walesa wotprajił. „Najbóle nas wězo syły wopytowarjow a spokojni hosćo zwjeseleja.