Hač do njedźele hišće móžno wo městno jednaćela Domowiny so požadać
Budyšin (SN/JaW). Prěnje wupisanje wo městno jednaćela Domowiny njeje k wuslědkej wjedło, kajkiž bě sej Domowina přała. Tohodla zwjazkowe předsydstwo wobzamkny městno hišće raz wupisać, štož je třěšny zwjazk tež činił. To wobkrući na naprašowanje našeho wječornika předsyda Domowiny Dawid Statnik. Kaž wón dale zdźěli, skónči so doba přizjewjenja za městno, kotrež zastawa hišće hač do kónca tohole lěta Bjarnat Cyž, njedźelu, 31. julija. Zdobom Statnik hišće wšitkich zajimcow a chabłacych namołwja požadanje wotedać.
