Ze słownikom slepjanšćiny „1 000 Slěpjanske słowa“ je Rownjanske towarstwo Njepilic dwór dołhodobny rěčny zakład stworiło.

Rowno (AK/SN). „Chcemy jón praktisce wužiwać a z nim naš kurs serbšćiny dale wjesć. Aktiwne rěčenje, tež na zarjadowanjach a wšědny dźeń, je nam wažne.“ Takle potwjerdźi to Manfred Nikel, wot załoženja 1999 předsyda towarstwa Nje­pipic dwór, na pjatkownej hłownej zhromadźiznje na Rownjanskim Njepilic statoku, w bilancy towarstwa za lěto 2016.