Ćišćanska rejwanska skupina 20. róčnicu załoženja swjećiła
Ćisk (JT/SN). Swoje 20lětne wobstaće woswjeći minjenu sobotu Serbska ludowa rejwanska skupina Ćisk na žurli tamnišeho hosćenca „K zelenemu wěncej“. Mjez 150 prošenymi hosćimi běchu wjelelětni fanojo a přewodźerjo, zastupjerjo města Wojerec, Domowiny a wjesnych towarstwow. Wo wosebje pisany wobraz postarachu so spřećelene rejwanske a drastowe cyłki z Wojerowskeho a Choćebuskeho regiona.