Witaja wobzamknjenje rady

štwórtk, 07. decembera 2017
artikl hódnoćić
(0 )

Wojerecy (SN/JaW). Předsydstwo Wojerowskeje župy „Handrij Zejler“ wita wobzamknjenje rady Załožby za serbski lud, přistajić projektoweho managera, kiž ma župy a towarstwa podpěrać. Tak rozmyslowachu na swojim wčerawšim wuradźowanju tež hnydom wo tym, kak móhli managera za swoje předewzaća zapřahnyć, zdźěli rěčnica župy Christina Šołćina.

Rozjimali su wčera we Wojerowskim Domowinskim domje tež plan klětušich projektow. Mjez druhim planunja za 14. junij dźeń wotewrjenych duri na tamnišej ležownosći Domowiny, zo bychu dwurěčnym šulam, pěstowarnjam a towarstwam župy składnosć skićili so předstajić. „Dale budźemy podpěrać wuhotowanje serbskeho domizniskeho dnja, kotryž wotměje so 17. junija w Blunju. A za kónc awgusta planujemy swójbne popołdnjo pola nas w Domowinskim domje“, zjima Christina Šołćina najwažniše projekty lěta 2018.

wozjewjene w: Towarstwa
Prošu přizjewće so, chceće-li komentar podać

nawěšk

  • Minjenu sobotu, 24. nowembra, wotmě so Budyskim NSLDź lětuša Schadźowanka. Tule namakaće někotre fotowe impresije.
Das alljährliche Treffen der sorbischen Studierenden, Absolventen und Gymnasiasten Schadźowanka fand am Samstag, den 24. November, zum

nowostki LND