Widźomne znamjo wusyłane poručenje

póndźela, 21. januara 2019
artikl hódnoćić
(0 )
Tobias Wencl, Danilo Dej a Dawid Wowčer (wotlěwa) z Radworskeho młodźinskeho kluba su dobreje nalady. Delegaća hłowneje wólbneje zhromadźizny župy „Jan Arnošt Smoler“ su dotalne nachwilne čłonstwo cyłka pod třěchu župy na rjadne změnili, a Radworčenjo maja nětko přistupne wopismo w rukomaj.  Foto: Axel Arlt Tobias Wencl, Danilo Dej a Dawid Wowčer (wotlěwa) z Radworskeho młodźinskeho kluba su dobreje nalady. Delegaća hłowneje wólbneje zhromadźizny župy „Jan Arnošt Smoler“ su dotalne nachwilne čłonstwo cyłka pod třěchu župy na rjadne změnili, a Radworčenjo maja nětko přistupne wopismo w rukomaj. Foto: Axel Arlt

Po wólbnej zhromadźiznje wšak je župa „Jan Arnošt Smoler“ bjez župana

Budyšin (SN/at). Ze swojimi čornymi shirtami wuzběhowaše so skupina młodostnych jasnje wot druhich zastupjerjow Domowinskich skupin a towarstwow na sobotnej hłownej a wólbnej zhromadźiznje župy „Jan Arnošt Smoler“ w Budyskim Serbskim domje. „Za jednym blidom naš přichod sedźi“, praji mě­sto­župan Jurij Łušćanski we witanskich słowach a so jim přiwobroći. Wo­srjedź postupowaceho procesa zestarjenja čłon­stwa w swojich Domowinskich skupinach je Budyska župa widźomne znamjo wusyłała, zo je tež młodym cyłkam powabna. Młodostni we wonych čornych shirtach prezentowachu Ra­dworski młodźinski klub, kotryž bu nětko oficialnje jako prěni tajki do župy „Jan Ar­nošt Smoler“ přiwzaty. Katja Liznarjec, regionalna rěčnica Domowiny za te­ritorij stareho Budyskeho wokrjesa, přitomnych informowaše, zo běchu młodostni loni wo rozmołwu prosyli. Zhromadnje su lěpšiny a winowatosće taj­keho čłonstwa w župje rozjimali.

wozjewjene w: Towarstwa
Prošu přizjewće so, chceće-li komentar podać

Serbska debata

nowostki LND