Na hłownej zhromadźiznje Domowiny nowe dźěłowe směrnicy rozjimuja
Budyšin (SN/at). Domowina hotuje so na swoju 19. hłownu zhromadźiznu, wotměwacu so sobotu w Chrósćicach. Wobzamknyć maja delegaća ćežišća dalšeho skutkowanja třěšneho zwjazka hač do nalěća 2021, hdyž přeprošuje župa „Jakub Lorenc-Zalěski“ na 20. „hłownu“.
Mjez druhim wuchadźa z naćiska dźěłowych směrnicow Domowiny, zo chcedźa składnostnje 100. róčnicy załoženja Domowinskich župow lěto 2021 jako „Lěto župow“ wuwołać. Budyska, Kamjenska a Wojerowska župa běchu 21. julija 1921 nastali. Składnosć to župam, so we wobłuku stawizniskich zarjadowanjow ze swojimi specifiskimi korjenjemi zaběrać a wo róli stawizniskeho kubłanja we wobłuku župneho skutkowanja rozmyslować. Centralne zarjadowanje we Wojerecach ma tónle jubilej skulojćić.