Wjacore personalne změny w zarjedźe třěšneho zwjazka připowědźene

Budyšin (SN/JaW). Zwjazkowe předsydstwo Domowiny je so minjeny pjatk druhi króć w nowej formje schadźowało. Dźewjeć čłonow gremija bě na žurli Budyskeho Serbskeho domu, runje tak kaž předsyda Domowiny Dawid Statnik, jeje jednaćel Marko Kowar a nowinski rěčnik Marcel Brauman kaž tež dalši hósć. Jědnaće dalšich čłonow wobdźěli so z pomocu interneta na posedźenju.