Zajimawa debata wuwi so minjeny pjatk mjez čłonami Zwjazkoweho předsydstwa Domowiny (ZPD) nastorčenu změnu teksta serbskeje hymny nastupajo. Diskusiju a dalše kročele pak měli wědomostnikam přewostajić.

Budyšin (SN/JaW). Choćebuska wotnožka Rěčneho centruma WITAJ ma noweho nawodu. Bernd Melcher zastojnstwo nětko w februaru přewozmje, zdźěli wčera popołdnju nowinski rěčnik Domowiny Marcel Brauman. Powołało bě 52lětneho nana třoch dźěći Zwjazkowe předsydstwo Domowiny na swojim posedźenju pjatk w njezjawnym dźělu. Tón wje­čor hišće­ rěkaše, zo njemóža w na­ležnosći ničo rjec, doniž njeje zrěčenje podpisane. To bu wčera w běhu dnja zrjadowane. Po­zadk­ změny je, zo bu w nowembrje 2019 dr. Viktor Zakar­ z nawodnistwa Choće­buskeho RCW wotwołany. Wot toho časa staj wotnožku zhromadnje Bernd Melcher a Alexander Draguła komisarisce nawjedowałoj.