Dyrbja woprawdźe 60 procentow za projekty předfinancować?

Drježdźany/Budyšin (SN/mb). List direktora Załožby za serbski lud, Jana Budarja, nošerjam projektow, kotrež su wot załožby spěchowane, je mnohich znjeměrnił. Spis je tež na internetnej stronje załožby přistupny. Swobodny stat Sakska, zamołwity za prawniske naležnosće załožby, postaja wot spočatka lěta powšitkownje z nowymi zarjadniskimi předpisami, zo dóstanje nošer projekta w přichodźe jenož 40 procentow, hdyž je přizwolenje srědkow płaćiwe. 50 procentow budźe załožbowy zarjad hakle po zakónčenju naprawy a předpołoženju wotličenja wupłaćeć. Potom ma zarjad w běhu jednoho měsaca pruwować a najpozdźišo poł lěta po tym zbytnych dźesać procentow srědkow towarstwu wupłaćić.