FC Energija Choćebuz –
BFC Dynamo 0:1 (0:0)
Zestawa domjacych: Sebald – Slamar, Hildebrandt, Campulka, Hasse (72. Juckel), Putze, Pelivan, Euschen (72. Oesterhelweg/79. Ndualu), Heike (79. Prokopenko), Thiele, Halbauer
Tuta načolna hra měješe wšitko, tola wjele běše tež njetrjebawše. W prěnim rjedźe běchu to pyrotechnika a rakety, kotrež buchu w 2 000 přihladowarjow sylnym BFC-bloku wottřělene. Tele njeskutki nuzowachu sudnika Jensa Klemma wobě mustwje na nimale dźesać mjeńšinow do kabiny prosyć, a to pod hroženjom, hru doskónčnje zakónčić, jeli přizemi dalša raketa abo praskotak na hrajnišću.
Njetrjebawša běše tež akcija Timmyja Thieleho, kotraž bu z čerwjenej kartku pochłostana jako reakcija na wutworjenje „stadła“ hrajerjow, po tym zo widźeše Joshua Putze swojeho foula při nabóčnej liniji dla hižo sekundy do toho čerwjeny karton.
