Hłowna zhromadźizna župy „Handrij Zejler“ Wojerecy so wotměła

Židźino (SN/mb). Delegaća župy „Handrij Zejler“ Wojerecy, kotrejž přisłuša 700 čłonow, su so pjatk na hłownu a wólbnu zhromadźiznu zešli, kotraž so w Židźinom wotmě. Po tym, zo je dźěćaca rejowanska skupina Židźino z kulturnym přinoškom wulki přiklesk žnjała, su delegaća přistup towarstwa „Šulska a domizniska stwa Ptačecy“ wobkrućili. W srjedźišću wječora steješe rozprawa župneho předsydstwa, kotruž je ko-županka Gabriela Linakowa přednjesła.