Mnichow (dpa/SN). Předsydka Alternatiwy za Němsku (AfD) Frauke Petry njesmě w Mnichowskim hosćencu „Hofbräukeller“ wustupić. Po informacijach medijow nochce hosćencar prawicarsku populistku w swojim domje měć, dokelž so wo dobre mjeno domu a wo wěstotu starosći. Dowolnosć za 13. meje planowane stronske zarjadowanje AfD je mějićel domu mjeztym zaso cofnył. Rěčnik bayerskeho krajneho zwjazka AfD je wotpowědne powěsće­ medijow wobkrućił.

Protesty w Grjekskej

Athen (dpa/SN). Protestujo přećiwo lutowanskemu programej a hrožacym skrótšenjam renty su dźěłarnistwa Grjekskeje dźensa z wobšěrnymi stawkami wšón kraj zlemili. Tak wostachu přewozne łódźe w přistawach. Stawk namórnikow traje hač do wutory. Železnicarjo złožichu dźěło na tři dny. Statni přistajeni stawkuja dźensa a jutře. Kónc tydźenja planuja w Athenje wulke demonstracije.

Trump: Britojo radšo bjez EU