Waršawa (dpa/SN). Knježerstwowi šefojo Visegrádskeje skupiny schadźowachu so dźensa we Waršawje, zo bychu wo přichodźe Europskeje unije po wotchadźe Wulkeje Britaniskeje z EU (brexit) wuradźowali. Dalša tema rozmołwow mjez Pólskej, Čěskej, Słowakskej a Madźarskej bě politika ćěkancam napřećo, zdźěli ministerska prezidentka Beata Szydło medijam. Wuchodne čłonske staty EU su dotal raznje přećiwo wukazanej kwoće ćěkancow w jednotliwych krajach.