Budyšin (SN). Spočatk noweho lěta so nastupajo hladanske zawěsćenje tójšto změni. Na to skedźbnja chorobna kasa KKH. Wot 1. januara 2017 płaći nowe wopřijeće potrěbnosće hladanja (Pflegebedürftigkeitsbegriff). Z nim maja na demencu schorjeni samsne prawo na hladanje kaž ćělnje zbrašeni. Tak změje wjace ludźi přistup k hladanskim wukonam. W tym zwisku rozšěrja tuchwilne tři hladanske schodźenki na pjeć. Hižo płaćiwe zastopnjowanja so nje­změnja.