Athen (dpa/K/SN). Grjekske knježerstwo je ke kupje Lesbos wójnsku łódź pósłało. Tam maja so zaměstnić ćěkancy, kotřiž po zymskim wichorje zymu mrěja. Transportna łódź „Lesbos“ je po­trjeche­nym přiwjezła elektriske wohrěwadła, ćopłe přikrywy a dalši pomocny material. Na grjekskej kupje přebywa něhdźe 6 000 migrantow a ćěkancow. Najwjetši dźěl z nich žiwori w kontejnerach. Mi­njeny kónc tydźenja bě na kupje mjerzło a so pospochi sněžiło.

Obama so rozžohnuje

Chicago (dpa/K/SN). Dosłužacy prezident USA Barack Obama je w swojej rozžohnowanskej narěči ludnosć kraja napomnił, hromadźe dźeržeć. Njerunosć, předewšěm mjez čornymi a běłymi wobydlerjemi, dyrbi so přewinyć. „Njejsmy hišće tam, hdźež bychmy być chcyli“, rjekny wón wčera wječor w Chicagu před tysacami wyskacych přiwisnikow. „Při­wšěm je Amerika na lěpšim městnje hač swój čas, jako běchmy započeli.“ Prezidentstwo kraja Obama 20. januara oficialnje złoži.

Wjace wojakow do Malija