CDU wo přichodźe Łužicy wuradźowała

Grodk (SN/BŠe). Zasydlenje industrijnych předewzaćow we Łužicy měł po słowach strony CDU stat bóle spěchować. Region, charakterizowany wot brunicoweho hórnistwa, so hižo strukturnje měnja. Kaž sakski frakciski šef CDU Frank Kupfer měni, je wažny zaměr, wuwiće kónčiny spěchować. Wčera zetkachu so zastupjerjo frakcijow CDU Sakskeho a Braniborskeho krajneho sejma w Grodku, zo bychu wo přichodźe Łužicy wuradźowali. Přeprosyli běchu sej tohorunja nawodu předsydstwa koncerna LEAG Helmara Rendeza.