Iniciatiwje Minority SafePack podpěru přilubili

Berlin (SN/JaW). Rada připóznatych narodnych mjeńšin w Němskej – Frizow, Danow, Sintow a Romow kaž tež Serbow – zetka so tele dny k wjacorym wuradźowanjam w Berlinje. Dźensa rěčachu wo aktualnym połoženju jednotliwych mjeńšin.

Kaž předsyda Domowiny Dawid Statnik rjekny, rozjimowaše mjeńšinowa rada­ mjez druhim tež dźěławosć mjeńšinoweho sekretariata a přihoty tak mjenowanych „wólbnych kopolakow“. Při nich jedna so wo prašenja kandidatam za wólby zwjazkoweho sejma w zwisku z mjeńšinami w Němskej.