W piwarni wulce swjeća

Kulow. Mjeztym hižo 26. piwarniski swjedźeń wotměje so wot dźensnišeho do njedźele w Kulowje. Zahaja jón dźensa z rejemi z kapału „Božemje cryers“. Zastup je darmotny. Sobotu móža sej zajimcy wot 14 hodź. piwarnju wobhladać, w 16 hodź. přizamknje so hižo tradicionalne piwarniske wubědźowanje. Wječor přeproša znowa na reje z Choćebuskej kapału nAund. Njedźelne rańše piwko wobrubi Choćebuska dujerska kapała. Popołdnju poskića kofej a tykanc. K tomu před­staji spěwar a hudźbnik Dav Hansson něhdźe wot 16 hodź. swój program „Udo Jürgens“. Wšitcy su wutrobnje přeprošeni.

W prazwěrjencu kolesować

Mały Wjelkow. Krótko do ćmoweho počasa móža sej mali wopytowarjo Małowjelkowskeho prazwěrjenca tam swoje koleso wěstotnje přepruwować dać. Jutře, sobotu, wot 9 do 18 hodź. budźe Budyska wobchadna straža w parku na wopyće a informuje wo wěstoće na kolesu. Nimo toho budu wšelake parcoursy za koleso, roler a třikoleso natwarjene. Wot 14 do 15.30 hodź. witaja tam wobdźělnikow lětušeje rallyeje „Elbflorenz“, kotřiž nimo prazwěrjenca pojědu.

Žohnuja zaso zapřahi