Čiłe žiwjenje na statokach

Freitag, 22. September 2017
Artikel bewerten
(0 Stimmen)
Jedna z atrakcijow Čornochołmčanskho dworoweho swjedźenja bě, jako čłonojo młodźinskeho kluba wot statoka k statokej ćahajo  demonstrowachu, kak běchu něhdy z cypami žito młóćili. Bianka Wjeńcyna Jedna z atrakcijow Čornochołmčanskho dworoweho swjedźenja bě, jako čłonojo młodźinskeho kluba wot statoka k statokej ćahajo demonstrowachu, kak běchu něhdy z cypami žito młóćili. Bianka Wjeńcyna

W Čornym Chołmcu wulkotny dworowy swjedźeń dožiwili

Telko zajimowanych wopytowarjow kaž minjenu sobotu drje su w Čornym Chołmcu lědma hdy widźeli. Po wjesnym puću kaž tež na dohromady jědnaće statokach je so ze swójbami a dźěćimi jenož­ tak mjerwiło. Kóžde třeće lěto přeprošuja Čornochołmčenjo na dworowy swjedźeń.

Tak móžachu hosćo wot dopołdnja hač do wječora po Krabatowej wsy dundać, hladać, słuchać, wobdźiwać a woptawać. Podobnje, kaž znajemy to wot folklornych festiwalow w Chrósćicach, bě tež tu kóždy statok z lubosću wupyšeny. Wobsedźerjo poskićowachu kofej, plincy a samopječeny tykanc, z barow předa­wachu alkoholiske napoje. A nawarili běchu słódne kuski do brjucha: kwasnu poliwku, chrěn z howjazym mjasom, gulaš z dźiwinoweho mjasa, hrochowu poliwku a druhe dobroty. Na přitulnych dworach sedźo sy móhł najwšelakoriši stary ratarski grat, kiž bě wokoło domskich a na zahrodach wustajeny, wobdźiwać. Po wjesnym puću jězdźeše stary běrnjacy parjak na koleskach, z kotrehož poskićowachu čerstwe parjene běrny.

Veröffentlicht in Předźenak

Galerie

dalši wobraz (1) Na za wobchad zawrjenej Čornochołmčanskej hłownej dróze běchu wosrjedź wsy samo howjada widźeć.
dalši wobraz (2) Z wysokeho rěblowaneho woza su młode holcy na słomje sedźo přihladowali, kak hólcy na jednotliwych statokach z cypami žito młóćachu.
dalši wobraz (3) Historiskeho, ale tež žortneho razu bě pokazka wohnjowych wobornikow z Terpjeho, kak běhu něhdy woheń hašeli.
Bitte anmelden, um einen Kommentar zu posten

Serbska debata

Neuheiten LND